मोठी बातमी! OBC नेत्याची गाडीच पेटवण्याचा प्रयत्न, मनोज जरांगे समर्थकांचा हात असल्याचा आरोप…
ओबीसी नेते नवनाथ वाघमारे यांची गाडी पेटवण्याचा प्रयत्न झाल्याची घटना जालन्यातील निलमनगर भागात घडलीयं. घटनेमुळे जालन्यात तणावाचं वातावरण आहे.
- Written By: Amol Bhingardive Published:
Navnath Waghmare : राज्यात आरक्षणाच्या (Maratha Reservation) मुद्द्यावरुन राजकारण तापलेलं असतानाच आता जालन्यात ओबीसी नेते नवनाथ वाघमारे (Navnath Waghmare) यांची कार जाळण्याचा प्रयत्न करण्यात आल्याची घटना घडलीयं. जालन्यातील निलमनगर भागात ही घटना रविवारी रात्रीच्या सुमारास घडलीयं. मनोज जरांगे यांच्या समर्थकांनी गाडी जाळण्याचा प्रयत्न केला असल्याचा आरोप नवनाथ वाघमारे यांनी केलायं. या घटनमुळे जालन्यात तणावाचं वातावरण असून पोलिसांकडून तपास सुरु करण्यात आलायं.
प्रतिकात्मक अंत्ययात्रा अन् श्वानाच्या गळ्यात फोटो; गोपीचंद पडळकरांविरोधात कोल्हापुरात निषेध आंदोलन
रविवारी रात्री साधारण साडेदहा वाजण्याच्या सुमारास रेल्वे स्टेशनजवळील निलमनगर येथील नवनाथ वाघमारे यांच्या घरासमोर उभ्या असलेल्या त्यांच्या कारमधून अचानक धूर निघू लागला. ही बाब परिसरातील नागरिकांच्या लक्षात येताच त्यांनी आरडाओरडा केला. नागरिकांच्या सतर्कतेमुळे मोठी दुर्घटना टळली. घटनेची माहिती मिळताच वाघमारे यांनी तात्काळ पोलिसांना कळवले. पोलिसांनी घटनास्थळी पोहोचून पाहणी केली. पोलिसांनी परिसरातील सीसीटीव्ही फुटेज तपासले असता गाडीजवळ एक संशयास्पद व्यक्ती आल्याचे दिसून आले, अशी माहिती वाघमारेंनी पोलिसांना दिली.
सलमान खानच्या कमिटमेंटची कमाल! थंडी-दुखापतीवर मात करून पूर्ण केलं ‘बॅटल ऑफ गलवान’चं पहिलं शेड्यूल
या घटनेनंतर माध्यमांशी बोलताना नवनाथ वाघमारे यांनी थेट जरांगे-पाटील यांच्या समर्थकांवर आरोप केले. “शनिवारी संध्याकाळपासून माझी गाडी घरासमोर झाकून ठेवलेली होती. मी दुसऱ्या गाडीने बाहेरगावी दौऱ्यावर होतो. रात्री जेवणानंतर मी गाडीपासून काही अंतरावर फिरायला गेलो असताना, दहा-पंधरा मिनिटांतच गाडीला आग लागल्याचा आरडाओरडा झाला, असे वाघमारे यांनी सांगितले.
अजित पवारांचे भाजपच्या बालेकिल्ल्यात चिंतन शिबीर! शरद पवार, आगामी निवडणुका आणि IPS कॉलवर खुलासे
गाडी जाळल्याने ओबीसींचा आवाज दाबला जाणार नाही…
मी जरांगेसारखा भिकारचोट नाही. गाडी जाळल्याने ओबीसींचा आवाज दाबला जाणार नाही. आम्ही ठरवले आणि जरांगे यांच्या गाड्या आणि घरे जाळले तर चालेल का? परंतू आम्ही डॉ. बाबासाहेब आंबेडकरांच्या संविधानावर चालणारे निष्ठावान आहोत आणि असे कृत्य आम्ही करणार नाही, या शब्दांत नवनाथ वाघमारे यांनी पुन्हा जरांंगेवर टीका केलीयं.
दरम्यान, या घटनेनंतर पोलीस पथक घटनास्थळी दाखल झाले असून या प्रकरणाचा कसून तपास करत आहेत. सीसीटीव्ही फुटेज आणि इतर पुराव्यांच्या आधारे आरोपींना पकडण्यासाठी पोलिसांनी पुढील कार्यवाही सुरू केली आहे. या घटनेमुळे जालन्यातील राजकीय आणि सामाजिक वातावरण ढवळून निघालंय.
संबंधित बातम्या
मोठी बातमी. ॲड. गुणरत्न सदावर्ते यांच्या गाडीवर दगडफेक
